manzar roz badal deta hun apni narm-KHayali se
manzar roz badal detā huuñ apnī narm-ḳhayālī se
shaam shafaq meñ Dhal jaatī hai rañg-e-hinā kī laalī se
tujh se bichhaḌ kar zinda rahnā apne sog meñ jiinā hai
dil ik phuul thā ḳhushbū vaalā TuuT gayā hai Daalī se
shahr-e-tarab ko jaane kis kī nazar lagī hai aaj kī shab
raste bhī vīrān paḌe haiñ ghar lagte haiñ ḳhālī se
duniyā vaale jis ko aksar ronā-dhonā kahte haiñ
āñkheñ dariyā ban jaatī hai jazboñ kī sayyālī se
dhūl-bhare rastoñ ke safar ne tarz-e-fikr badal Daalā
ḳhauf-zada sī rahne lagī hai ḳhāk-e-badan pāmālī se
manzar roz badal deta hun apni narm-KHayali se
sham shafaq mein Dhal jati hai rang-e-hina ki lali se
tujh se bichhaD kar zinda rahna apne sog mein jina hai
dil ek phul tha KHushbu wala TuT gaya hai Dali se
shahr-e-tarab ko jaane kis ki nazar lagi hai aaj ki shab
raste bhi viran paDe hain ghar lagte hain KHali se
duniya wale jis ko aksar rona-dhona kahte hain
aankhen dariya ban jati hai jazbon ki sayyali se
dhul-bhare raston ke safar ne tarz-e-fikr badal Dala
KHauf-zada si rahne lagi hai KHak-e-badan pamali se
Source:
rang-e- hava main phal raha hai (Pg. 202)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
