aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

manzar shamshan ho gaya hai

Abdul Ahad Saaz

manzar shamshan ho gaya hai

Abdul Ahad Saaz

MORE BYAbdul Ahad Saaz

    manzar shamshān ho gayā hai

    dil qabristān ho gayā hai

    ik saañs ke ba.ad dūsrī saañs

    jiinā bhugtān ho gayā hai

    chhū aa.e haiñ ham yaqīñ sarhad

    jis vaqt gumān ho gayā hai

    sargoshiyoñ dhamak hai har-sū

    ġhul kānoñ-kān ho gayā hai

    vo lamha huuñ maiñ ki ik zamāna

    mere daurān ho gayā hai

    sau nok-palak palak-jhapak meñ

    uqda āsān ho gayā hai

    manzil vo ḳham-e-safar hai jis par

    chorī sāmān ho gayā hai

    ik marhala-e-kashākash-e-fan

    vaj.h-e-imkān ho gayā hai

    kāġhaz pe qalam zarā jo phislā

    iz.hār-e-bayān ho gayā hai

    paidā hote aadmī ko

    lāhaq nisyān ho gayā hai

    piilī āñkhoñ meñ zard sapne

    shab ko yarqān ho gayā hai

    saude meñ ġhazal ke fā.eda 'sāz'

    kaisā nuqsān ho gayā hai

    manzar shamshan ho gaya hai

    dil qabristan ho gaya hai

    ek sans ke baad dusri sans

    jina bhugtan ho gaya hai

    chhu aae hain hum yaqin ki sarhad

    jis waqt guman ho gaya hai

    sargoshiyon ki dhamak hai har-su

    ghul kanon-kan ho gaya hai

    wo lamha hun main ki ek zamana

    mere dauran ho gaya hai

    sau nok-palak palak-jhapak mein

    uqda aasan ho gaya hai

    manzil wo KHam-e-safar hai jis par

    chori saman ho gaya hai

    ek marhala-e-kashakash-e-fan

    wajh-e-imkan ho gaya hai

    kaghaz pe qalam zara jo phisla

    izhaar-e-bayan ho gaya hai

    paida hote hi aadmi ko

    lahaq nisyan ho gaya hai

    pili aankhon mein zard sapne

    shab ko yarqan ho gaya hai

    saude mein ghazal ke faeda 'saz'

    kaisa nuqsan ho gaya hai

    Source:

    sargoshiyan zamanon ki (Pg. 82)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now