manzil-e-shams-o-qamar se guzre

manzil-e-shams-o-qamar se guzre

jab tirī rāhguzar se guzre

shab kī gaatī huī tanhā.ī meñ

kitne tūfāñ the jo sar se guzre

vahīñ patjhaḌ ne paḌāv Daalā

qāfile gul ke jidhar se guzre

har taraf sabt haiñ qadmoñ ke nishāñ

koī kis rāhguzar se guzre

kis qadar ḳhud pe hameñ pyaar aayā

aaj jab apnī nazar se guzre

surḳhī-e-gul se bhī chauñke gul-ruḳh

vo zamāne bhī nazar se guzre

dasht-o-sahrā kā bhī dāman simTā

tere dīvāne jidhar se guzre

ḳhud-nigar ho ga.e 'rāhat' ham bhī

aaj vo kaash idhar se guzre

manzil-e-shams-o-qamar se guzre

jab teri rahguzar se guzre

shab ki gati hui tanhai mein

kitne tufan the jo sar se guzre

wahin patjhaD ne paDaw Dala

qafile gul ke jidhar se guzre

har taraf sabt hain qadmon ke nishan

koi kis rahguzar se guzre

kis qadar KHud pe hamein pyar aaya

aaj jab apni nazar se guzre

surKHi-e-gul se bhi chaunke gul-ruKH

wo zamane bhi nazar se guzre

dasht-o-sahra ka bhi daman simTa

tere diwane jidhar se guzre

KHud-nigar ho gae 'rahat' hum bhi

aaj wo kash idhar se guzre