manzil-e-sidq-o-safa ka rasta apnaiye

manzil-e-sidq-o-safā kā rāsta apnā.iye

kārvān-e-zindagī ke rahnumā ban jā.iye

ham ne maanā har taraf tīra-shabī kā raaj hai

aap sūraj haiñ agar tū raushnī phailā.iye

aa.ina patthar se Takrānā zarūrī to nahīñ

baat jab hai aa.ine se aa.ina Takrā.iye

aap ko tīra-shabī se is qadar kyuuñ ḳhauf hai

ho sake to ek jugnū hī muqābil lā.iye

ye to sach hai zindagī zinda-dilī kā naam hai

zindagī ke naam par itnā bhī mat itrā.iye

gar yuuñ hī kartā rahā mujh ko zamāna pā.emāl

aap ko sab kyā kaheñge ġhaur to farmā.iye

ye bhī ik sastā sā andāz-e-siyāsat hai 'ashok'

kuchh na kiije baiTh kar bas tabsire farmā.iye

manzil-e-sidq-o-safa ka rasta apnaiye

karwan-e-zindagi ke rahnuma ban jaiye

hum ne mana har taraf tira-shabi ka raj hai

aap suraj hain agar tu raushni phailaiye

aaina patthar se Takrana zaruri to nahin

baat jab hai aaine se aaina Takraiye

aap ko tira-shabi se is qadar kyun KHauf hai

ho sake to ek jugnu hi muqabil laiye

ye to sach hai zindagi zinda-dili ka nam hai

zindagi ke nam par itna bhi mat itraiye

gar yun hi karta raha mujh ko zamana paemal

aap ko sab kya kahenge ghaur to farmaiye

ye bhi ek sasta sa andaz-e-siyasat hai 'ashok'

kuchh na kije baiTh kar bas tabsire farmaiye