manzil pe le ke pahunchega azm-e-jawan mujhe
manzil pe le ke pahuñchegā azm-e-javāñ mujhe
kah do na saath le ke chale kārvāñ mujhe
suntā huuñ phir chaman meñ huī ḳhema-zan bahār
aa.e na kyuuñ qafas meñ bhī yaad āshiyāñ mujhe
khoyā huā huuñ un ke tasavvur meñ is tarah
jaise sunā.e un kī koī dāstāñ mujhe
ye jab bhī aa.ī laa.ī naved-e-bahār bhī
phir kyuuñ bahār se na ho pyārī ḳhizāñ mujhe
maiñ ho gayā huuñ kab se nasheman se be-niyāz
kah de koī Darā.e na barq-e-tapāñ mujhe
ik vaqt thā chaman ke liye mar miTe the ham
rahne usī chaman meñ na de bāġhbāñ mujhe
manzil pe le ke pahunchega azm-e-jawan mujhe
kah do na sath le ke chale karwan mujhe
sunta hun phir chaman mein hui KHema-zan bahaar
aae na kyun qafas mein bhi yaad aashiyan mujhe
khoya hua hun un ke tasawwur mein is tarah
jaise sunae un ki koi dastan mujhe
ye jab bhi aai lai nawed-e-bahaar bhi
phir kyun bahaar se na ho pyari KHizan mujhe
main ho gaya hun kab se nasheman se be-niyaz
kah de koi Darae na barq-e-tapan mujhe
ek waqt tha chaman ke liye mar miTe the hum
rahne usi chaman mein na de baghban mujhe
Source:
Harf Harf Khowab (Pg. 37)
- Author: asi ramnagari
-
- Edition: 1992
- Publisher: Nasim Pathara Po. Moghalsarai (Varansi)
- Year of Publication: 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
