manzilen na bhulenge rah-rau bhaTakne se
Interesting Fact
Last ghazal of Adeeb Saharapuri published in "Afkar" in 1963.
manzileñ na bhūleñge rāh-rau bhaTakne se
shauq ko ta.alluq hī kab hai paañv thakne se
zindagī ke rishte bhī duur duur tak nikle
ruuh jaag uThtī hai phuul ke mahakne se
kitne tiir khaa.e haiñ kitne ġham uThā.e haiñ
baaz hī nahīñ aatā dil magar dhaḌakne se
ek sāġhar-e-labrez aur sūrat-e-suqrāt
jāvedāñ nahīñ hote sirf zahr chakhne se
kār-e-āshiyāñ-bandī aur ho gayā mahbūb
jauhar-e-talab chamkā bijliyāñ kaḌakne se
garm ho ke pachhtā.e bād-e-tund ke jhoñke
raushnī charāġhoñ kī baḌh ga.ī bhaḌakne se
ai adīb-e-pur-goī farz to nahīñ koī
kyā barī hai ḳhāmoshī ol-fol bakne se
manzilen na bhulenge rah-rau bhaTakne se
shauq ko talluq hi kab hai panw thakne se
zindagi ke rishte bhi dur dur tak nikle
ruh jag uThti hai phul ke mahakne se
kitne tir khae hain kitne gham uThae hain
baz hi nahin aata dil magar dhaDakne se
ek saghar-e-labrez aur surat-e-suqraat
jawedan nahin hote sirf zahr chakhne se
kar-e-ashiyan-bandi aur ho gaya mahbub
jauhar-e-talab chamka bijliyan kaDakne se
garm ho ke pachhtae baad-e-tund ke jhonke
raushni charaghon ki baDh gai bhaDakne se
ai adib-e-pur-goi farz to nahin koi
kya bari hai KHamoshi ol-fol bakne se
Source:
jadeed urdu gazal (Pg. 168)
- Author: adiib sahaaranpurii
-
- Edition: 1995
- Publisher: khuda bakhsh oriental public library patna
- Year of Publication: 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
