manzilon se begana aaj bhi safar mera

Ghulam Rabbani Taban

manzilon se begana aaj bhi safar mera

Ghulam Rabbani Taban

MORE BYGhulam Rabbani Taban

    manziloñ se begāna aaj bhī safar merā

    raat be-sahar merī dard be-asar merā

    gumrahī aalam hai kis ko ham-safar kahiye

    thak ke chhoḌ baiThī hai saath rahguzar merā

    vo faroġh-e-ḳhalvat bhī anjuman-sarāpā bhī

    bhar gayā hai phūloñ se dāman-e-nazar merā

    ab tire taġhāful se aur kyā talab kiije

    shauq-e-nā-rasā merā ishq-e-mo'atabar merā

    daur-e-kam-ayārī hai kuchh pata nahīñ chaltā

    kaun merā qātil hai kaun chāra-gar merā

    nā-guzīr hastī haiñ fasl-e-gul ke hañgāme

    shozish-e-numū terī fitna-e-sharar merā

    kuchh batāo to āḳhir kyā javāb duuñ us ko

    ik savāl kartā hai roz mujh se ghar merā

    āsmāñ shikva kyā vaqt shikāyat kyuuñ

    ḳhūn-e-dil se nikhrā hai aur bhī hunar merā

    dil be-qarārī ne hosh kho diye 'tābāñ'

    varna āstānoñ par kab jhukā thā sar merā

    manzilon se begana aaj bhi safar mera

    raat be-sahar meri dard be-asar mera

    gumrahi ka aalam hai kis ko ham-safar kahiye

    thak ke chhoD baiThi hai sath rahguzar mera

    wo farogh-e-KHalwat bhi anjuman-sarapa bhi

    bhar gaya hai phulon se daman-e-nazar mera

    ab tere taghaful se aur kya talab kije

    shauq-e-na-rasa mera ishq-e-mo'atabar mera

    daur-e-kam-ayari hai kuchh pata nahin chalta

    kaun mera qatil hai kaun chaara-gar mera

    na-guzir hasti hain fasl-e-gul ke hangame

    shozish-e-numu teri fitna-e-sharar mera

    kuchh batao to aaKHir kya jawab dun us ko

    ek sawal karta hai roz mujh se ghar mera

    aasman ka shikwa kya waqt ki shikayat kyun

    KHun-e-dil se nikhra hai aur bhi hunar mera

    dil ki be-qarari ne hosh kho diye 'taban'

    warna aastanon par kab jhuka tha sar mera

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY