mar hi jae mabaada ajal

mar hī jaa.e mabādā ajal

nā-samajh aa.ine se nikal

zindagī ke masā.il kā hal

vaqt ke saath ḳhud ko badal

terī manzil abhī duur hai

ai musāfir zarā tez chal

yaad aa.ī bhī us kī to kab

murta.ish haath haiñ paañv shal

Thokareñ to haiñ manzil-rasāñ

ḳhauf se rāste mat badal

aaj phir tū uThā der se

toast khā chaa.e pī haath mal

terī yādoñ kī yalġhār hai

jiinā dushvār hai āj-kal

kyā adāvat meñ pās-e-adab

kyā mohabbat meñ mauqa mahal

chashm-e-nam dil kī ġhammāz hai

muskurā kar na lahja badal

shaam hone ko hai munjamid

mutriba chheḌ koī ġhazal

mar hi jae mabaada ajal

na-samajh aaine se nikal

zindagi ke masail ka hal

waqt ke sath KHud ko badal

teri manzil abhi dur hai

ai musafir zara tez chal

yaad aai bhi us ki to kab

murtaish hath hain panw shal

Thokaren to hain manzil-rasan

KHauf se raste mat badal

aaj phir tu uTha der se

toast kha chae pi hath mal

teri yaadon ki yalghaar hai

jina dushwar hai aaj-kal

kya adawat mein pas-e-adab

kya mohabbat mein mauqa mahal

chashm-e-nam dil ki ghammaz hai

muskura kar na lahja badal

sham hone ko hai munjamid

mutriba chheD koi ghazal