mare dosh par teri lash re o maashre

mare dosh par tirī laash re o ma.āshre

terā marg fikr-e-ma.āsh re o ma.āshre

maiñ janm janm kā faqīr huuñ to amiir huuñ

mujhe raas merā qimāsh re o ma.āshre

ka.ī uljhanoñ kā javāz huuñ koī raaz huuñ

mujhe mujh pe rahne de faash re o ma.āshre

ka.ī āsmānoñ se duur huuñ maiñ ġhurūr huuñ

mujhe kab hai terī talāsh re o ma.āshre

koī barf-zād vajūd huuñ maiñ jumūd huuñ

mujhe dhuup se na tarāsh re o ma.āshre

mirā zaḳhm zaḳhm dikhā diyā mujhe kyā diyā

faqat āñsuoñ kā farāsh re o ma.āshre

ai ḳhudā-e-dil ai ḳhudā-e-dil ai ḳhudā-e-dil

o ma.āshre o ma.āshre o ma.āshre

mare dosh par teri lash re o maashre

tera marg fikr-e-maash re o maashre

main janm janm ka faqir hun to amir hun

mujhe ras mera qimash re o maashre

kai uljhanon ka jawaz hun koi raaz hun

mujhe mujh pe rahne de fash re o maashre

kai aasmanon se dur hun main ghurur hun

mujhe kab hai teri talash re o maashre

koi barf-zad wajud hun main jumud hun

mujhe dhup se na tarash re o maashre

mera zaKHm zaKHm dikha diya mujhe kya diya

faqat aansuon ka farash re o maashre

ai KHuda-e-dil ai KHuda-e-dil ai KHuda-e-dil

o maashre o maashre o maashre