marhaba dida-e-mai-nosh mein aane wale

Ehtisham Hasan

marhaba dida-e-mai-nosh mein aane wale

Ehtisham Hasan

MORE BYEhtisham Hasan

    marhabā dīda-e-mai-nosh meñ aane vaale

    ab tire riñd nahīñ hosh meñ aa ne vaale

    dekh saaqī rahe ḳhālī na tirā koī subū

    jaam haiñ dast-e-balā-nosh meñ aane vaale

    qatl ai ziist tirī sej pe dhoke se hue

    mar ga.e sab tirī āġhosh meñ aane vaale

    jā-ba-jā dekh ke hañste hue chehroñ ke mazār

    ro paḌe kūcha-e-ḳhāmosh meñ aane vaale

    sāl-hā-sāl jinheñ dasht se mānūs kiyā

    ab ye paañv nahīñ pā-posh meñ aane vaale

    itnā idrāk to hai ham ko ki āsānī se

    ham nahīñ dast-e-sitam-kosh meñ aane vaale

    sab taraf-dār tire nikle adākār 'hasan'

    maslahat-kosh the sab josh meñ aane vaale

    marhaba dida-e-mai-nosh mein aane wale

    ab tere rind nahin hosh mein aa ne wale

    dekh saqi rahe KHali na tera koi subu

    jam hain dast-e-bala-nosh mein aane wale

    qatl ai zist teri sej pe dhoke se hue

    mar gae sab teri aaghosh mein aane wale

    ja-ba-ja dekh ke hanste hue chehron ke mazar

    ro paDe kucha-e-KHamosh mein aane wale

    sal-ha-sal jinhen dasht se manus kiya

    ab ye panw nahin pa-posh mein aane wale

    itna idrak to hai hum ko ki aasani se

    hum nahin dast-e-sitam-kosh mein aane wale

    sab taraf-dar tere nikle adakar 'hasan'

    maslahat-kosh the sab josh mein aane wale

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY