marna azab tha kabhi jina azab tha

Zaheer Kashmiri

marna azab tha kabhi jina azab tha

Zaheer Kashmiri

MORE BYZaheer Kashmiri

    marnā azaab thā kabhī jiinā azaab thā

    merā mushīr ishq ḳhāna-ḳharāb thā

    dil mar miTā tilāvat-e-ruḳhsār-e-yār meñ

    marhūm tiflagī se ahl-e-kitāb thā

    sochā to is habīb ko paayā qarīb-e-jāñ

    dekhā to āstīñ meñ chhupā āftāb thā

    vo bārgāh merī vafā javāz thī

    is āstāñ ḳhaak mirā shabāb thā

    merī har ek sub.h thī āġhosh-e-dilbarī

    merī har ek shaam unvāñ sharāb thā

    dil bhī sanam-parast nazar bhī sanam-parast

    is āshiqī meñ ḳhāna hama āftāb thā

    kab is siyāh-baḳht ne chhoḌā kisī saath

    dasht-e-junūñ meñ saaya mirā ham-rikāb thā

    kab ma.āl-e-jaur-o-jafā ko samajh sakā

    terā jamāl tere liye bhī hijāb thā

    jis daur ko faqīh ne isyāñ samajh liyā

    us daur meñ to ke bahaknā savāb thā

    vo husn kis qadar adab-āmoz thā 'zahīr'

    qad ḳhāma-e-ravāñ thā to chehra kitāb thā

    marna azab tha kabhi jina azab tha

    mera mushir ishq sa KHana-KHarab tha

    dil mar miTa tilawat-e-ruKHsar-e-yar mein

    marhum tiflagi se hi ahl-e-kitab tha

    socha to is habib ko paya qarib-e-jaan

    dekha to aastin mein chhupa aaftab tha

    wo bargah meri wafa ka jawaz thi

    is aastan ki KHak mera hi shabab tha

    meri har ek subh thi aaghosh-e-dilbari

    meri har ek sham ka unwan sharab tha

    dil bhi sanam-parast nazar bhi sanam-parast

    is aashiqi mein KHana hama aaftab tha

    kab is siyah-baKHt ne chhoDa kisi ka sath

    dasht-e-junun mein saya mera ham-rikab tha

    tu kab maal-e-jaur-o-jafa ko samajh saka

    tera jamal tere liye bhi hijab tha

    jis daur ko faqih ne isyan samajh liya

    us daur mein to pi ke bahakna sawab tha

    wo husn kis qadar adab-amoz tha 'zahir'

    qad KHama-e-rawan tha to chehra kitab tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY