marna taqdir hai zanjir baja lo pahle

marnā taqdīr hai zanjīr bajā lo pahle

kuchh ho sayyād se āñkheñ to milā lo pahle

abr tum khul ke barasnā sar-e-gulzār-e-hayāt

dushman-e-gul pe zarā barq girā lo pahle

daar kī samt ravāñ ho magar ai dīvāno

ik jahāñ dād-gar apnā to banā lo pahle

ishq kā zahr jo ghul jaa.e to pī lo be-ġham

jām-e-mai aur zarā tez milā lo pahle

arsh-e-taqdīs ko jaate hue ai ādam-e-nau

kahkashāñ gard hai raste se haTā lo pahle

tum ne sun rakkhā hai āzādī-e-'jāved' kā naam

marg kī aañkh se āñkheñ to milā lo pahle

marna taqdir hai zanjir baja lo pahle

kuchh ho sayyaad se aankhen to mila lo pahle

abr tum khul ke barasna sar-e-gulzar-e-hayat

dushman-e-gul pe zara barq gira lo pahle

dar ki samt rawan ho magar ai diwano

ek jahan dad-gar apna to bana lo pahle

ishq ka zahr jo ghul jae to pi lo be-gham

jam-e-mai aur zara tez mila lo pahle

arsh-e-taqdis ko jate hue ai aadam-e-nau

kahkashan gard hai raste se haTa lo pahle

tum ne sun rakkha hai aazadi-e-'jawed' ka nam

marg ki aankh se aankhen to mila lo pahle