marne ki mujhko aap se hain iztirabiyan
marne kī mujh ko aap se haiñ iztirābiyāñ
kartā hai mere qatl ko tū kyuuñ shitābiyāñ
merā hī ḳhānumāñ nahīñ vīrāñ huā koī
bahutoñ kī kī haiñ ishq ne ḳhāna ḳharābiyāñ
ḳhvān-e-falak pe ne.amat-e-alvān hai kahāñ
ḳhālī hai mahr-o-māh kī donoñ rikābiyāñ
hargiz ḳhum-e-falak meñ nahīñ hai sharāb-e-ishq
ġhunchoñ kī ḳhūn-e-dil se bharī haiñ gulābiyāñ
halqoñ se us kī zulf ke ruḳhsār hai ayaañ
'tābāñ' jathe meñ dekho haiñ kyā māh-tābiyāñ
marne ki mujh ko aap se hain iztirabiyan
karta hai mere qatl ko tu kyun shitabiyan
mera hi KHanuman nahin viran hua koi
bahuton ki ki hain ishq ne KHana KHarabiyan
KHwan-e-falak pe neamat-e-alwan hai kahan
KHali hai mahr-o-mah ki donon rikabiyan
hargiz KHum-e-falak mein nahin hai sharab-e-ishq
ghunchon ki KHun-e-dil se bhari hain gulabiyan
halqon se us ki zulf ke ruKHsar hai ayan
'taban' jathe mein dekho hain kya mah-tabiyan
Source:
Deewan-e-Taban Rekhta Website) (Pg. 126)
-
- Edition: 1935
- Publisher: Anjuman Taraqqi Urdu (Hind), Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
