marte marte raushni ka KHwab to pura hua

marte marte raushnī kā ḳhvāb to puurā huā

bah gayā saarā lahū tan kā to din aadhā huā

rāstoñ par peḌ jab dekhe to aañsū aa ga.e

har shajar saaya thā terī yaad se miltā huā

sub.h se pahle badan kī dhuup meñ niiñd aa ga.ī

aur kitnā jāgtā maiñ raat kā jaagā huā

shahr-e-dil meñ is tarah har ġham ne pahchānā mujhe

jaise merā naam thā dīvār par likkhā huā

ziist ke pur-shor sāhil par ga.e lamhoñ kī yaad

jis tarah saaya ho sat.h-e-āb par Thahrā huā

ġham hue vo āshnā chehroñ ke ā.īne kahāñ

shahr hai saare kā saarā dhund meñ lipTā huā

vasl ke bādal zarā tham husn-e-qāmat dekh luuñ

pyaas kā sahrā to hai tā-chashm-e-tar phailā huā

mujh ko āshob-e-hikāyat jaan lene kī havas

aur ye terā badan ik dāstāñ kahtā huā

ġham jo miltā hai to ai tausīf siine se lagāo

kis ne lauTāyā hai yuuñ mehmān ghar aayā huā

marte marte raushni ka KHwab to pura hua

bah gaya sara lahu tan ka to din aadha hua

raston par peD jab dekhe to aansu aa gae

har shajar saya tha teri yaad se milta hua

subh se pahle badan ki dhup mein nind aa gai

aur kitna jagta main raat ka jaga hua

shahr-e-dil mein is tarah har gham ne pahchana mujhe

jaise mera nam tha diwar par likkha hua

zist ke pur-shor sahil par gae lamhon ki yaad

jis tarah saya ho sath-e-ab par Thahra hua

gham hue wo aashna chehron ke aaine kahan

shahr hai sare ka sara dhund mein lipTa hua

wasl ke baadal zara tham husn-e-qamat dekh lun

pyas ka sahra to hai ta-chashm-e-tar phaila hua

mujh ko aashob-e-hikayat jaan lene ki hawas

aur ye tera badan ek dastan kahta hua

gham jo milta hai to ai tausif sine se lagao

kis ne lauTaya hai yun mehman ghar aaya hua