masafat ki garan har ek saat TuT jati hai
masāfat kī garāñ har ek saa.at TuuT jaatī hai
tirī chashm-e-ināyat se aziyyat TuuT jaatī hai
tirī yādoñ kī sūrat se nikaltī hai ajab sūrat
ujāle yuuñ baraste haiñ ki zulmat TuuT jaatī hai
sadā-e-haq-shanāsī gasht kartī rahtī hai lekin
zamāna ye samajhtā hai sadāqat TuuT jaatī hai
barā-e-jazba-sāzī kuchh dikhāvā ho magar yaaro
riyā-kārī baratne se ibādat TuuT jaatī hai
ġhazal meñ jiddat-o-nudrat zarūrī hai bahut 'amjad'
magar fannī buḳhālat se salāsat TuuT jaatī hai
masafat ki garan har ek saat TuT jati hai
teri chashm-e-inayat se aziyyat TuT jati hai
teri yaadon ki surat se nikalti hai ajab surat
ujale yun baraste hain ki zulmat TuT jati hai
sada-e-haq-shanasi gasht karti rahti hai lekin
zamana ye samajhta hai sadaqat TuT jati hai
bara-e-jazba-sazi kuchh dikhawa ho magar yaro
riya-kari baratne se ibaadat TuT jati hai
ghazal mein jiddat-o-nudrat zaruri hai bahut 'amjad'
magar fanni buKHalat se salasat TuT jati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
