masail hain jo la-yanhal bahut aasan ban jate

masā.il haiñ jo lā-yanhal bahut āsān ban jaate

jo shaiḳh-o-barhaman kuchh der ko insān ban jaate

nafas kī āmad-o-shud sher ham dīvān ban jaate

ba-nazm-e-zindagānī tum agar unvān ban jaate

masīhā-e-zamāñ banñā bhī koī amr-e-mushkil thā

jo tum kar lete mere dard kī pahchān ban jaate

bayāñ karte sifāt apnī jo bām-e-ḳhud-numā.ī se

to ham charḳh-e-adab par shā.ir-e-zī-shān ban jaate

udhar to 'shauq' un kī kufr-sāmāñ zulf hī bantī

idhar to saikḌoñ bigḌe hue īmān ban jaate

masail hain jo la-yanhal bahut aasan ban jate

jo shaiKH-o-barhaman kuchh der ko insan ban jate

nafas ki aamad-o-shud sher hum diwan ban jate

ba-nazm-e-zindagani tum agar unwan ban jate

masiha-e-zaman banna bhi koi amr-e-mushkil tha

jo tum kar lete mere dard ki pahchan ban jate

bayan karte sifat apni jo baam-e-KHud-numai se

to hum charKH-e-adab par shair-e-zi-shan ban jate

udhar to 'shauq' un ki kufr-saman zulf hi banti

idhar to saikDon bigDe hue iman ban jate