masarraton ke KHazane hi kam nikalte hain

Munawwar Rana

masarraton ke KHazane hi kam nikalte hain

Munawwar Rana

MORE BYMunawwar Rana

    masarratoñ ke ḳhazāne kam nikalte haiñ

    kisī bhī siine ko kholo to ġham nikalte haiñ

    hamāre jism ke andar jhiil suukh ga.ī

    isī liye to ab aañsū bhī kam nikalte haiñ

    ye karbalā zamīñ hai ise salām karo

    yahāñ zamīn se patthar bhī nam nikalte haiñ

    yahī hai zid to hathelī pe apnī jaan liye

    amīr-e-shahr se kah do ki ham nikalte haiñ

    kahāñ har ek ko milte haiñ chāhne vaale

    nasīb vāloñ ke gesū meñ ḳham nikalte haiñ

    jahāñ se ham ko guzarne meñ sharm aatī hai

    usī galī se ka.ī mohtaram nikalte haiñ

    tumhī batāo ki maiñ khilkhilā ke kaise hañsūñ

    ki roz ḳhāna-e-dil se alam nikalte haiñ

    tumhāre ahd-e-hukūmat sāneha ye hai

    ki ab to log gharoñ se bhī kam nikalte haiñ

    masarraton ke KHazane hi kam nikalte hain

    kisi bhi sine ko kholo to gham nikalte hain

    hamare jism ke andar ki jhil sukh gai

    isi liye to ab aansu bhi kam nikalte hain

    ye karbala ki zamin hai ise salam karo

    yahan zamin se patthar bhi nam nikalte hain

    yahi hai zid to hatheli pe apni jaan liye

    amir-e-shahr se kah do ki hum nikalte hain

    kahan har ek ko milte hain chahne wale

    nasib walon ke gesu mein KHam nikalte hain

    jahan se hum ko guzarne mein sharm aati hai

    usi gali se kai mohtaram nikalte hain

    tumhi batao ki main khilkhila ke kaise hansun

    ki roz KHana-e-dil se alam nikalte hain

    tumhaare ahd-e-hukumat ka saneha ye hai

    ki ab to log gharon se bhi kam nikalte hain

    Source :
    • Book : Sukhan Sarai (Pg. 14)
    • Author : Munawwar Rana
    • Publication : Maktaba Al- Faheem (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now