masham-e-bulbul mein rashk-e-gul ki hunuz bu bhi nahin gai hai
masham-e-bulbul mein rashk-e-gul ki hunuz bu bhi nahin gai hai
Karamat Ali Shaheedi
MORE BYKaramat Ali Shaheedi
mashām-e-bulbul meñ rashk-e-gul kī hunūz bū bhī nahīñ ga.ī hai
abhī vo nām-e-ḳhudā hai ġhuncha nasīm chhū bhī nahīñ ga.ī hai
na ishq surme kā ne misī kā na shauq ġhamze kā ne hañsī kā
gumāñ ho gar tum ko aarsī kā so rū-ba-rū bhī nahīñ ga.ī hai
balā ko us kī ḳhabar hai kahte haiñ kis ko ma.ashūq kyā hai āshiq
hunūz kānoñ meñ us parī ke ye guftugū bhī nahīñ ga.ī hai
yaqīñ nahīñ mujh ko qais-e-giryāñ ke haal se us ko āgahī ho
nikal ke matlab se apne lailā kinār-e-jū bhī nahīñ ga.ī hai
'shahīdī' itnī gumāñ-parastī nashe meñ sab bhuul baiThe hastī
huī hai us se hī tum ko mastī jo tā-gulū bhī nahīñ ga.ī hai
masham-e-bulbul mein rashk-e-gul ki hunuz bu bhi nahin gai hai
abhi wo nam-e-KHuda hai ghuncha nasim chhu bhi nahin gai hai
na ishq surme ka ne misi ka na shauq ghamze ka ne hansi ka
guman ho gar tum ko aarsi ka so ru-ba-ru bhi nahin gai hai
bala ko us ki KHabar hai kahte hain kis ko mashuq kya hai aashiq
hunuz kanon mein us pari ke ye guftugu bhi nahin gai hai
yaqin nahin mujh ko qais-e-giryan ke haal se us ko aagahi ho
nikal ke matlab se apne laila kinar-e-ju bhi nahin gai hai
'shahidi' itni guman-parasti nashe mein sab bhul baiThe hasti
hui hai us se hi tum ko masti jo ta-gulu bhi nahin gai hai
Source:
Ghazal Usne Chhedi(2) (Pg. 210)
- Author: Farhat Ehsas
-
- Edition: 2017
- Publisher: Rekhta Books
- Year of Publication: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
