masiha aa ke baalin par jo ro jae to ro jae

masīhā aa ke bālīñ par jo ro jaa.e to ro jaa.e

nasība jaag kar apnā jo so jaa.e to so jaa.e

mujhe parvā na achchhe kī burā.ī kā na ḳhatra hai

mirā dil tere hāthoñ se jo kho jaa.e to kho jaa.e

na jiine kī ḳhushī mujh ko na marne kā alam kuchh hai

jo honā hai muqaddar meñ vo ho jaa.e to ho jaa.e

raqīb-e-rū-siyah se hai abas ummīd nekī kī

koī kāñTā mire haq meñ jo bo jaa.e to bo jaa.e

na kī kuchh qadr jiite jī vo pachhtātā hai marne par

mirī turbat pe ab aa kar jo ro jaa.e to ro jaa.e

mire ashk-e-nadāmat se 'hayā' mujh ko yaqīñ hai ye

gunah jo kuchh huā mujh se vo dho jaa.e to dho jaa.e

masiha aa ke baalin par jo ro jae to ro jae

nasiba jag kar apna jo so jae to so jae

mujhe parwa na achchhe ki burai ka na KHatra hai

mera dil tere hathon se jo kho jae to kho jae

na jine ki KHushi mujh ko na marne ka alam kuchh hai

jo hona hai muqaddar mein wo ho jae to ho jae

raqib-e-ru-siyah se hai abas ummid neki ki

koi kanTa mere haq mein jo bo jae to bo jae

na ki kuchh qadr jite ji wo pachhtata hai marne par

meri turbat pe ab aa kar jo ro jae to ro jae

mere ashk-e-nadamat se 'haya' mujh ko yaqin hai ye

gunah jo kuchh hua mujh se wo dho jae to dho jae