masjidon mein qatl hone ki riwayat hai yahan
masjidoñ meñ qatl hone kī rivāyat hai yahāñ
aur jise bhī dekhiye vo bā-jamā.at hai yahāñ
un ke sur meñ sur milā kar chīḳhtī ḳhilqat tamām
dekhiye ik jhuuT meñ bhī kitnī tāqat hai yahāñ
aur is daave kī ham tardīd kar sakte nahīñ
log kahte haiñ mohabbat hī mohabbat hai yahāñ
faisla ye bhī adālat ko hī karne dījiye
aap ko insāf kī kitnī zarūrat hai yahāñ
ham ye jañgal chhoḌne vaale nahīñ sun lījiye
bheḌiyoñ meñ ab bhī thoḌī ādmiyat hai yahāñ
masjidon mein qatl hone ki riwayat hai yahan
aur jise bhi dekhiye wo ba-jamaat hai yahan
un ke sur mein sur mila kar chiKHti KHilqat tamam
dekhiye ek jhuT mein bhi kitni taqat hai yahan
aur is dawe ki hum tardid kar sakte nahin
log kahte hain mohabbat hi mohabbat hai yahan
faisla ye bhi adalat ko hi karne dijiye
aap ko insaf ki kitni zarurat hai yahan
hum ye jangal chhoDne wale nahin sun lijiye
bheDiyon mein ab bhi thoDi aadmiyat hai yahan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
