maslaKH-e-ishq mein khinchti hai KHush-iqbaal ki khaal

maslaḳh-e-ishq meñ khiñchtī hai ḳhush-iqbāl kī khaal

bheḌ bakrī se hai kam-qadr bad-a.amāl kī khaal

jis kī bose ke tasavvur se chhile gaal kī khaal

taab kyā laave araq poñchhte rumāl kī khaal

naqsh us kā bhī kiyā daur-e-falak ne bātil

thī jo kaave ke alam se bañdhī iqbāl kī khaal

nahīñ qassāb-e-ajal se koī be-ġham hargiz

postīñ chhīne ye mun.im kī to kañgāl kī khaal

tan-dahī jab na kareñ kaam meñ ustād ke ye

qumchiyoñ se na udheḌe vo phir atfāl kī khaal

band ruumī hai samor us ke pa kaam āñ-rozoñ

dekhne meñ kabhī aa.ī na thī is jaal kī khaal

bad-gumānī na ho kyuuñ tab ke ga.e par afzūñ

dekh ukhḌe lab-e-ma.ashūq ke tabḳhāl kī khaal

mālik-ul-mulk nasārā hue kalkatte ke

ye to niklī ajab ik vaz.a kī janjāl kī khaal

jhurriyāñ kyuuñ na paḌeñ umr-e-fuzūñ meñ muñh par

tan pe jab laa.e shikan pīr-e-kuhan-sāl kī khaal

shams-tabrez ne murde ko kiyā thā zinda

shar.a ne khīñchī abas aise ḳhush-a.amāl kī khaal

kaam az-bas-ki zamāne kā huā hai bar-aks

chor khiñchvā.e hai is ahd meñ kotvāl kī khaal

nafas-e-garm se letā hai vo iksīr banā

dhoñknī dam kī hai shā.er ke zar-o-māl kī khaal

itne be-kār nahīñ jānvar-e-ābī bhī

dastānoñ ke to kaam aatī hai ghaḌiyāl kī khaal

fikr meñ mū-e-kamar kī tire hairān rahe

vahī daqqāq jo khīñche hai sadā baal kī khaal

itnā maqdūr mujhe diijo tū ai mehdī-e-dīñ

maare koḌoñ ke uḌā duuñ ḳhar-e-dajjāl kī khaal

dāġh-e-dil chhin gayā yuuñ sozan-e-mizhgāñ se tirī

jis tarah hove mushabbak kisī ġhirbāl kī khaal

nahīñ be-vaj.h giraftārī-e-darvesh is meñ

aahū o sher kī hotī hai ajab haal kī khaal

jis ke har daane se ik qatra-e-ḳhūñ Tapke hai

hai mañDhī myaan pe qātil ke ajab haal kī khaal

tan ko piirī meñ riyāzat se dabāġhī kar duuñ

'mus.hafī' charse kā charsā hai ye aur khaal kī khaal

maslaKH-e-ishq mein khinchti hai KHush-iqbaal ki khaal

bheD bakri se hai kam-qadr bad-amal ki khaal

jis ki bose ke tasawwur se chhile gal ki khaal

tab kya lawe araq ponchhte rumal ki khaal

naqsh us ka bhi kiya daur-e-falak ne baatil

thi jo kawe ke alam se bandhi iqbaal ki khaal

nahin qassab-e-ajal se koi be-gham hargiz

postin chhine ye munim ki to kangal ki khaal

tan-dahi jab na karen kaam mein ustad ke ye

qumchiyon se na udheDe wo phir atfal ki khaal

band rumi hai samor us ke pa kaam aan-rozon

dekhne mein kabhi aai na thi is jal ki khaal

bad-gumani na ho kyun tab ke gae par afzun

dekh ukhDe lab-e-mashuq ke tabKHal ki khaal

malik-ul-mulk nasara hue kalkatte ke

ye to nikli ajab ek waza ki janjal ki khaal

jhurriyan kyun na paDen umr-e-fuzun mein munh par

tan pe jab lae shikan pir-e-kuhan-sal ki khaal

shams-tabrez ne murde ko kiya tha zinda

shara ne khinchi abas aise KHush-amal ki khaal

kaam az-bas-ki zamane ka hua hai bar-aks

chor khinchwae hai is ahd mein kotwal ki khaal

nafas-e-garm se leta hai wo iksir bana

dhonkni dam ki hai shaer ke zar-o-mal ki khaal

itne be-kar nahin jaanwar-e-abi bhi

dastanon ke to kaam aati hai ghaDiyal ki khaal

fikr mein mu-e-kamar ki tere hairan rahe

wahi daqqaq jo khinche hai sada baal ki khaal

itna maqdur mujhe dijo tu ai mehdi-e-din

mare koDon ke uDa dun KHar-e-dajjal ki khaal

dagh-e-dil chhin gaya yun sozan-e-mizhgan se teri

jis tarah howe mushabbak kisi ghirbaal ki khaal

nahin be-wajh giraftari-e-darwesh is mein

aahu o sher ki hoti hai ajab haal ki khaal

jis ke har dane se ek qatra-e-KHun Tapke hai

hai manDhi myan pe qatil ke ajab haal ki khaal

tan ko piri mein riyazat se dabaghi kar dun

'mushafi' charse ka charsa hai ye aur khaal ki khaal