mast josh-e-shabab hain hum log

mast josh-e-shabāb haiñ ham log

aap apnā itaab haiñ ham log

mahfil-e-nāz ho ki dār-o-rasan

har taraf kāmyāb haiñ ham log

ik sarāpā savāl hai duniyā

ik mukammal javāb haiñ ham log

haiñ jahāñ meñ kahīñ vafā vaale

jī haañ ālī-janāb haiñ ham log

ḳhalvat-e-ḳhās ho ki jalvat-e-ām

har jagah bāryāb haiñ ham log

ham se hai raunaq-e-zamīn-o-zamāñ

vaise ḳhāna-ḳharāb haiñ ham log

ham fanā hoñ to auj par aa kar

ya.anī misl-e-habāb haiñ ham log

sitam-e-be-panāh hai duniyā

karam-e-be-hisāb haiñ ham log

mast josh-e-shabab hain hum log

aap apna itab hain hum log

mahfil-e-naz ho ki dar-o-rasan

har taraf kaamyab hain hum log

ek sarapa sawal hai duniya

ek mukammal jawab hain hum log

hain jahan mein kahin wafa wale

ji han aali-janab hain hum log

KHalwat-e-KHas ho ki jalwat-e-am

har jagah baryab hain hum log

hum se hai raunaq-e-zamin-o-zaman

waise KHana-KHarab hain hum log

hum fana hon to auj par aa kar

yani misl-e-habab hain hum log

sitam-e-be-panah hai duniya

karam-e-be-hisab hain hum log