mat puchh harf-e-dard ki tafsir kuchh bhi ho
mat pūchh harf-e-dard kī tafsīr kuchh bhī ho
vo ḳhvāb lā-javāb thā ta.abīr kuchh bhī ho
har naqsh ko miTā ke guzartī rahī havā
lauh-e-jahāñ pe vaqt kī tahrīr kuchh bhī ho
behtar nahīñ ki tujh ko mile kāġhzī libās
rañgoñ kā imtizāj hai tasvīr kuchh bhī ho
jab hukm ho gayā hai ki nāla-ba-lab raheñ
phir vahm kyā hai zahr kī tāsīr kuchh bhī ho
mere liye zamīñ kā tasavvur hai āsmāñ
pāband huuñ havāoñ kā taqdīr kuchh bhī ho
maslak yahī thā shahr kī buniyād rakh chale
is se ġharaz nahīñ hai ki ta.amīr kuchh bhī ho
chhāyā huā hai arz-o-samā par mirā shu.ūr
'shāhid' kareñge zehn kī tasḳhīr kuchh bhī ho
mat puchh harf-e-dard ki tafsir kuchh bhi ho
wo KHwab la-jawab tha tabir kuchh bhi ho
har naqsh ko miTa ke guzarti rahi hawa
lauh-e-jahan pe waqt ki tahrir kuchh bhi ho
behtar nahin ki tujh ko mile kaghzi libas
rangon ka imtizaj hai taswir kuchh bhi ho
jab hukm ho gaya hai ki nala-ba-lab rahen
phir wahm kya hai zahr ki tasir kuchh bhi ho
mere liye zamin ka tasawwur hai aasman
paband hun hawaon ka taqdir kuchh bhi ho
maslak yahi tha shahr ki buniyaad rakh chale
is se gharaz nahin hai ki tamir kuchh bhi ho
chhaya hua hai arz-o-sama par mera shuur
'shahid' karenge zehn ki tasKHir kuchh bhi ho
Source:
Subh-e-safar (Pg. 63)
- Author: Saleem Shahid
-
- Edition: 1971
- Publisher: Ham asr, Lahore
- Year of Publication: 1971
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
