mat sag-e-yar se dawa-e-musawat karo
mat sag-e-yār se dā'vā-e-musāvāt karo
us kane baiThne paao to mabāhāt karo
sohbat āḳhir hai hamārī na karo phir afsos
muttasil ho sake to ham se mulāqāt karo
dīdanī hai ye havā shaiḳh jī se koī kahe
ki chalo mai-kade Tuk tum to karāmāt karo
tum to tasvīr hue dekh ke kuchh ā.īna
itnī chup bhī nahīñ hai ḳhuub koī baat karo
bas bahut vaqt kiyā sher ke fan meñ zaa.e.a
'mīr' ab piir hue tark-e-ḳhayālāt karo
mat sag-e-yar se da'wa-e-musawat karo
us kane baiThne pao to mabahat karo
sohbat aaKHir hai hamari na karo phir afsos
muttasil ho sake to hum se mulaqat karo
didani hai ye hawa shaiKH ji se koi kahe
ki chalo mai-kade Tuk tum to karamat karo
tum to taswir hue dekh ke kuchh aaina
itni chup bhi nahin hai KHub koi baat karo
bas bahut waqt kiya sher ke fan mein zaea
'mir' ab pir hue tark-e-KHayalat karo
Source:
MIRIYAAT - Diwan No- 2, Ghazal No- 0927
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
