mauj-dar-mauj nazar aata tha sailab mujhe

mauj-dar-mauj nazar aatā thā sailāb mujhe

paañv Daalā to ye dariyā milā pāyāb mujhe

but to duniyā ne ba-har-gām tarāshe lekin

sar jhukāne ke na aa.e kabhī ādāb mujhe

shiddat-e-karb se kumhlā ga.e chehre ke ḳhutūt

ab na pahchān sakeñge mire ahbāb mujhe

ek saaya ki mujhe chain se sone bhī na de

ek āvāz ki kartī rahe betāb mujhe

jis kī ḳhvāhish meñ kisī baat kī ḳhvāhish na rahe

aisī jannat ke dikhā.e na koī ḳhvāb mujhe

vus.ateñ dāman-e-sahrā ko bhī baḳhshī hotīñ

tū ne baḳhshī thī agar fitrat-e-sīmāb mujhe

mauj-dar-mauj nazar aata tha sailab mujhe

panw Dala to ye dariya mila payab mujhe

but to duniya ne ba-har-gam tarashe lekin

sar jhukane ke na aae kabhi aadab mujhe

shiddat-e-karb se kumhla gae chehre ke KHutut

ab na pahchan sakenge mere ahbab mujhe

ek saya ki mujhe chain se sone bhi na de

ek aawaz ki karti rahe betab mujhe

jis ki KHwahish mein kisi baat ki KHwahish na rahe

aisi jannat ke dikhae na koi KHwab mujhe

wusaten daman-e-sahra ko bhi baKHshi hotin

tu ne baKHshi thi agar fitrat-e-simab mujhe