maujud hain wo bhi baalin par ab maut ka Talna mushkil hai
maujūd haiñ vo bhī bālīñ par ab maut kā Talnā mushkil hai
ik-tarfa kashākash naza.a meñ hai dam kā bhī nikalnā mushkil hai
anjāne meñ jo be-rāh chale vo raah pe aa saktā hai magar
be-rāh chale jo dānista bas us kā sambhalnā mushkil hai
zāhir na sahī dar-parda sahī dushman bhī hifāzat karte haiñ
kāñTe hoñ nigahbāñ jis gul ke us gul kā masalnā mushkil hai
haiñ ishq kī rāheñ pechīda manzil pe pahuñchnā sahl nahīñ
raste meñ agar dil baiTh gayā phir us kā sambhalnā mushkil hai
āġhāz-e-mohabbat meñ 'ājiz' ruktī na thī mauj-e-ashk-e-ravāñ
anjām ab in ḳhushk āñkhoñ se ik ashk nikalnā mushkil hai
maujud hain wo bhi baalin par ab maut ka Talna mushkil hai
ik-tarfa kashakash naza mein hai dam ka bhi nikalna mushkil hai
anjaane mein jo be-rah chale wo rah pe aa sakta hai magar
be-rah chale jo danista bas us ka sambhalna mushkil hai
zahir na sahi dar-parda sahi dushman bhi hifazat karte hain
kanTe hon nigahban jis gul ke us gul ka masalna mushkil hai
hain ishq ki rahen pechida manzil pe pahunchna sahl nahin
raste mein agar dil baiTh gaya phir us ka sambhalna mushkil hai
aaghaz-e-mohabbat mein 'ajiz' rukti na thi mauj-e-ashk-e-rawan
anjam ab in KHushk aankhon se ek ashk nikalna mushkil hai
Source:
mahbas-e-gham (Pg. 80)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
