maujudgi ka uski yahan etiraf kar

Tahir Adeem

maujudgi ka uski yahan etiraf kar

Tahir Adeem

MORE BYTahir Adeem

    maujūdgī us yahāñ e'tirāf kar

    ai ka.aba-e-jahāñ mire dil tavāf kar

    kab tak fusūñ meñ mausam-e-yaksāniyat rahe

    ai rā.ij-ul-jahān nayā inkishāf kar

    is talḳhī-e-hayāt ke lamhoñ har qusūr

    maiñ ne muaaf kar diyā bhī muaaf kar

    parda paḌā hai shahr jab aañkh aañkh par

    terā bhī haq hai sach se mire iḳhtilāf kar

    maiñ sach huuñ aur sāmne tere khaḌā huuñ maiñ

    karnā hai merī zaat se ab inhirāf kar

    maiñ ḳhud pe oḌhtā huuñ tire pyaar ridā

    ḳhud pe merī chaah ujlā ġhilāf kar

    le ek ek shaḳhs mirā ham-zabān hai

    ek ek shaḳhs ko mere ḳhilāf kar

    tab aks aks ujlā nazar aa.egā tujhe

    ā.ina-e-dil pe jamī gard saaf kar

    ban kar shuā-e-shīsha-e-manshūr dil pe paḌ

    rangoñ ik jahān liye in.etāf kar

    chādar tamāzatoñ liye din ke dil meñ chal

    tanhā.iyoñ ko shab ke jigar meñ lihāf kar

    is mohr-band ishq ko bhī havā lagā

    'tāhir-adīm' bhī koī iktishāf kar

    maujudgi ka us ki yahan e'tiraf kar

    ai kaba-e-jahan mere dil ka tawaf kar

    kab tak fusun mein mausam-e-yaksaniyat rahe

    ai raij-ul-jahan naya inkishaf kar

    is talKHi-e-hayat ke lamhon ka har qusur

    main ne muaf kar diya tu bhi muaf kar

    parda paDa hai shahr ki jab aankh aankh par

    tera bhi haq hai sach se mere iKHtilaf kar

    main sach hun aur samne tere khaDa hun main

    karna hai meri zat se ab inhiraf kar

    main KHud pe oDhta hun tere pyar ki rida

    tu KHud pe meri chah ka ujla ghilaf kar

    le ek ek shaKHs mera ham-zaban hai

    ja ek ek shaKHs ko mere KHilaf kar

    tab aks aks ujla nazar aaega tujhe

    tu aaina-e-dil pe jami gard saf kar

    ban kar shua-e-shisha-e-manshur dil pe paD

    rangon ka ek jahan liye inetaf kar

    chadar tamazaton ki liye din ke dil mein chal

    tanhaiyon ko shab ke jigar mein lihaf kar

    is mohr-band ishq ko tu bhi hawa laga

    'tahir-adim' tu bhi koi iktishaf kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now