mausam badla rut gadrai ahl-e-junun bebak hue

Zaheer Kashmiri

mausam badla rut gadrai ahl-e-junun bebak hue

Zaheer Kashmiri

MORE BYZaheer Kashmiri

    mausam badlā rut gadrā.ī ahl-e-junūñ bebāk hue

    fasl-e-bahār ke aate aate kitne girebāñ chaak hue

    gul-būToñ ke rañg aur naqshe ab to yūñhī miT jā.eñge

    ham ki faroġh-e-sub.h-e-chaman the pāband-e-fitrāk hue

    mohr-e-taġhayyur is dhaj se āfāq ke māthe par chamkā

    sadiyoñ ke uftāda zarre ham-dosh-e-aflāk hue

    dil ke ġham ne dard-e-jahāñ se mil ke baḌā bechain kiyā

    pahle palkeñ pur-nam thiiñ ab aariz bhī namnāk hue

    kitne alhaḌ sapne the jo duur sahar meñ TuuT ga.e

    kitne hañsmukh chehre fasl-e-bahārāñ meñ ġhamnāk hue

    barq-e-zamāna duur thī lekin mish.al-e-ḳhāna duur na thī

    ham to 'zahīr' apne ghar aag meñ jal kar ḳhaak hue

    mausam badla rut gadrai ahl-e-junun bebak hue

    fasl-e-bahaar ke aate aate kitne gireban chaak hue

    gul-buTon ke rang aur naqshe ab to yunhi miT jaenge

    hum ki farogh-e-subh-e-chaman the paband-e-fitrak hue

    mohr-e-taghayyur is dhaj se aafaq ke mathe par chamka

    sadiyon ke uftada zarre ham-dosh-e-aflak hue

    dil ke gham ne dard-e-jahan se mil ke baDa bechain kiya

    pahle palken pur-nam thin ab aariz bhi namnak hue

    kitne alhaD sapne the jo dur sahar mein TuT gae

    kitne hansmukh chehre fasl-e-bahaaran mein ghamnak hue

    barq-e-zamana dur thi lekin mishal-e-KHana dur na thi

    hum to 'zahir' apne hi ghar ki aag mein jal kar KHak hue

    Videos
    This video is playing from YouTube

    Videos
    This video is playing from YouTube

    Amanat Ali Khan

    Amanat Ali Khan

    Source:

    • Book : kulliyat-e-zahiir (Pg. 89)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY