mausam hai bahaaron ka har ek zaKHm hara hai

mausam hai bahāroñ kā har ik zaḳhm harā hai

ehsās-e-ġham-e-soz-e-darūñ jaag uThā hai

baḌh jaa.e na betābī-e-dil sabr kī had se

guzre hue lamhoñ ne tumheñ yaad kiyā hai

badmast fazāoñ meñ bikhartī huī ḳhushbū

ai dost ye shāyad tire aane kā patā hai

ik tum se hī dil ko mire mil jaatī hai Dhāras

varna yahāñ har shaḳhs bahut mujh se ḳhafā hai

apnoñ ne hī dī hai mujhe har moḌ pe Thokar

nāzuk thā mirā shīsha-e-dil TuuT gayā hai

ab bhuul gayā āriz-o-lab gesū-o-abrū

hoñToñ kā tabassum tire bas yaad rahā hai

sunte haiñ siyah-rātoñ meñ luuTe ga.e sab log

'bismil' to magar din ke ujāle meñ luTā hai

mausam hai bahaaron ka har ek zaKHm hara hai

ehsas-e-gham-e-soz-e-darun jag uTha hai

baDh jae na betabi-e-dil sabr ki had se

guzre hue lamhon ne tumhein yaad kiya hai

badmast fazaon mein bikharti hui KHushbu

ai dost ye shayad tere aane ka pata hai

ek tum se hi dil ko mere mil jati hai Dhaaras

warna yahan har shaKHs bahut mujh se KHafa hai

apnon ne hi di hai mujhe har moD pe Thokar

nazuk tha mera shisha-e-dil TuT gaya hai

ab bhul gaya aariz-o-lab gesu-o-abru

honTon ka tabassum tere bas yaad raha hai

sunte hain siyah-raaton mein luTe gae sab log

'bismil' to magar din ke ujale mein luTa hai