mausam sukhe peD girane wala tha

mausam sūkhe peḌ girāne vaalā thā

kisī kisī meñ phuul bhī aane vaalā thā

paar ke manzar ne mauqe par āñkheñ diiñ

maiñ andhā dīvār uThāne vaalā thā

us ne bhī āñkhoñ meñ aañsū rok liye

maiñ bhī apne zaḳhm chhupāne vaalā thā

tum ne kyuuñ bārūd bichhā dī dhartī par

maiñ to duā kā shahr basāne vaalā thā

vo laḌkī to kab kī mar ga.ī yaad aayā

maiñ kis ko āvāz lagāne vaalā thā

ghar ke charāġh ne aag lagā dī bastī meñ

maiñ sūraj dahlīz pe laane vaalā thā

merī duniyā kaise us ko raas aatī hai

us kā har andāz zamāne vaalā thā

bachche 'ashk' ko pāgal kah kar bhaag ga.e

vo pariyoñ kī kathā sunāne vaalā thā

mausam sukhe peD girane wala tha

kisi kisi mein phul bhi aane wala tha

par ke manzar ne mauqe par aankhen din

main andha diwar uThane wala tha

us ne bhi aankhon mein aansu rok liye

main bhi apne zaKHm chhupane wala tha

tum ne kyun barud bichha di dharti par

main to dua ka shahr basane wala tha

wo laDki to kab ki mar gai yaad aaya

main kis ko aawaz lagane wala tha

ghar ke charagh ne aag laga di basti mein

main suraj dahliz pe lane wala tha

meri duniya kaise us ko ras aati hai

us ka har andaz zamane wala tha

bachche 'ashk' ko pagal kah kar bhag gae

wo pariyon ki katha sunane wala tha