maut jab mere nazdik aane lagi

maut jab mere nazdīk aane lagī

zindagī phir mujhe kyoñ lubhāne lagī

ek tū kyā gayā hai jahāñ se mire

jo bhī thī aarzū sab Thikāne lagī

ḳhvāb meñ bhī bichhaḌne lage mujh se tum

niiñd bhī aa ke mujh ko Darāne lagī

tū to apnī thī merī tujhe kyā huā

zindagī tū bhī ab āzmāne lagī

dhuup par maiñ koī tabsira kyā karūñ

chhāñv bhī ab to mujh ko jalāne lagī

jab bhī tanhā.iyāñ mujh pe haavī huī

lafz kāġhaz pe phir se sajāne lagī

zindagī bhar koī saath detā nahīñ

maiñ 'siyā' ḳhud ko yuuñ varġhalāne lagī

maut jab mere nazdik aane lagi

zindagi phir mujhe kyon lubhane lagi

ek tu kya gaya hai jahan se mere

jo bhi thi aarzu sab Thikane lagi

KHwab mein bhi bichhaDne lage mujh se tum

nind bhi aa ke mujh ko Darane lagi

tu to apni thi meri tujhe kya hua

zindagi tu bhi ab aazmane lagi

dhup par main koi tabsira kya karun

chhanw bhi ab to mujh ko jalane lagi

jab bhi tanhaiyan mujh pe hawi hui

lafz kaghaz pe phir se sajaane lagi

zindagi bhar koi sath deta nahin

main 'siya' KHud ko yun warghalane lagi