maut ka Dar naKHuda kuchh bhi nahin

maut kā Dar nāḳhudā kuchh bhī nahīñ

zindagī kā mas.ala kuchh bhī nahīñ

aag paanī aur havā kuchh bhī nahīñ

sirf miTTī thī banā kuchh bhī nahīñ

kuchh lahū kā rañg aur kuchh āb-o-gil

mujh meñ to ḳhud-sāḳhta kuchh bhī nahīñ

zindagī kī is hasīñ pāzeb meñ

sirf ghuñgrū ke sivā kuchh bhī nahīñ

diid kī ḳhvāhish kī muusā ne vahāñ

lekin un par bhī khulā kuchh bhī nahīñ

ho na jab tak hijr kī mushkil radīf

vasl kā to qāfiya kuchh bhī nahīñ

be-yaqīnī hai yaqīnī kaifiyat

haath uThe haiñ par duā kuchh bhī nahīñ

haañ agar maqsūd ho dīdār-e-yār

tab ḳhalā aur fāsla kuchh bhī nahīñ

ab zamīñ par maiñ agar maujūd huuñ

is meñ to merī ḳhatā kuchh bhī nahīñ

jis tarah 'ruḳhsār' guzrī zindagī

maut kā ye marhala kuchh bhī nahīñ

maut ka Dar naKHuda kuchh bhi nahin

zindagi ka masala kuchh bhi nahin

aag pani aur hawa kuchh bhi nahin

sirf miTTi thi bana kuchh bhi nahin

kuchh lahu ka rang aur kuchh aab-o-gil

mujh mein to KHud-saKHta kuchh bhi nahin

zindagi ki is hasin pazeb mein

sirf ghungru ke siwa kuchh bhi nahin

did ki KHwahish ki musa ne wahan

lekin un par bhi khula kuchh bhi nahin

ho na jab tak hijr ki mushkil radif

wasl ka to qafiya kuchh bhi nahin

be-yaqini hai yaqini kaifiyat

hath uThe hain par dua kuchh bhi nahin

han agar maqsud ho didar-e-yar

tab KHala aur fasla kuchh bhi nahin

ab zamin par main agar maujud hun

is mein to meri KHata kuchh bhi nahin

jis tarah 'ruKHsar' guzri zindagi

maut ka ye marhala kuchh bhi nahin