maut mangun to rahe aarzu-e-KHwab mujhe

maut māñgūñ to rahe ārzū-e-ḳhvāb mujhe

Dūbne jā.ūñ to dariyā mile pāyāb mujhe

merī iizā ke liye murde meñ jaan aatī hai

kāTne dauḌtī hai māhī-e-be-āb mujhe

dahan-e-gurg se jiitā jo bachūñ sahrā meñ

zab.h karne ke liye mol le qassāb mujhe

huuñ tasavvur meñ safā-e-badan-e-yār ke ġharq

halqa-e-nāf huā halqa-e-girdāb mujhe

mardum-e-dīda-e-qurbānī huuñ maiñ dīvāna

aa.e darvāza khule bin na kabhī ḳhvāb mujhe

ai falak rahne de uryāñ hī pas-az-marg bhī tū

soñptā kyā hai kafan-duzd kā asbāb mujhe

nahīñ rakhte haiñ amīrī kī havas mard-e-faqīr

sher kī khaal hī hai qāqum-o-sanjāb mujhe

josh se ashkoñ ke phir jā.egā sar par paanī

khīñch le jā.egā dariyā meñ ye sailāb mujhe

dair o ka.aba meñ un āñkhoñ se nahīñ halqa-e-dar

koī abrū se dikhātā nahīñ mehrāb mujhe

furqat-e-yār meñ kartī hai qayāmat barpā

roz-e-mahshar se nahīñ kam shab-e-mahtāb mujhe

maraz-e-ishq se bach jā.ūñ jo tum dilvā do

sadqa apne lab-e-jāñ-baḳhsh kā unnāb mujhe

chain lene na diyā dard-e-judā.ī ne kabhī

kab maiñ soyā ki jagāyā nahīñ bad-ḳhvāb mujhe

nahīñ bholā hai junūñ meñ vo havās uḌ jaanā

yaad hai barhamī-e-sohbat-e-ahbāb mujhe

naam ko mere bhī ahbāb meñ apne likkhe

zarra samjhā rahe vo mahr-e-jahāñ-tāb mujhe

dil ġhanī chāhiye go huuñ maiñ faqīr ai 'ātish'

sher kī khaal hī hai qāqum-o-sanjāb mujhe

maut mangun to rahe aarzu-e-KHwab mujhe

Dubne jaun to dariya mile payab mujhe

meri iza ke liye murde mein jaan aati hai

kaTne dauDti hai mahi-e-be-ab mujhe

dahan-e-gurg se jita jo bachun sahra mein

zabh karne ke liye mol le qassab mujhe

hun tasawwur mein safa-e-badan-e-yar ke gharq

halqa-e-naf hua halqa-e-girdab mujhe

mardum-e-dida-e-qurbani hun main diwana

aae darwaza khule bin na kabhi KHwab mujhe

ai falak rahne de uryan hi pas-az-marg bhi tu

sonpta kya hai kafan-duzd ka asbab mujhe

nahin rakhte hain amiri ki hawas mard-e-faqir

sher ki khaal hi hai qaqum-o-sanjab mujhe

josh se ashkon ke phir jaega sar par pani

khinch le jaega dariya mein ye sailab mujhe

dair o kaba mein un aankhon se nahin halqa-e-dar

koi abru se dikhata nahin mehrab mujhe

furqat-e-yar mein karti hai qayamat barpa

roz-e-mahshar se nahin kam shab-e-mahtab mujhe

maraz-e-ishq se bach jaun jo tum dilwa do

sadqa apne lab-e-jaan-baKHsh ka unnab mujhe

chain lene na diya dard-e-judai ne kabhi

kab main soya ki jagaya nahin bad-KHwab mujhe

nahin bhola hai junun mein wo hawas uD jaana

yaad hai barhami-e-sohbat-e-ahbab mujhe

nam ko mere bhi ahbab mein apne likkhe

zarra samjha rahe wo mahr-e-jahan-tab mujhe

dil ghani chahiye go hun main faqir ai 'atish'

sher ki khaal hi hai qaqum-o-sanjab mujhe