maza kya jo yunhi sahar ho gai

Nizam Rampuri

maza kya jo yunhi sahar ho gai

Nizam Rampuri

MORE BY Nizam Rampuri

    mazā kyā jo yūñhī sahar ho ga.ī

    nahīñ bhī pahar-do-pahar ho ga.ī

    tire ġham meñ shab yuuñ basar ho ga.ī

    ġharaz rote rote sahar ho ga.ī

    na ā.īna har vaqt dekhā karo

    kahoge kisī nazar ho ga.ī

    jo bāñdhī kamar qatl-e-ushshāq par

    kamar to na thī par kamar ho ga.ī

    sabab un ranjish kahnā nahīñ

    koī pūchhe kis baat par ho ga.ī

    laboñ par Thaharne se ai jaañ! husūl

    idhar aa ga.ī udhar ho ga.ī

    koī baat ulfat ab to nahīñ

    jo kuchh ho ga.ī peshtar ho ga.ī

    tirā va.ada go jhuuT kyuuñ na ho

    tasallī hamārī magar ho ga.ī

    taġhāful hai har baat par kis liye

    mire dil tujh ko ḳhabar ho ga.ī

    qayāmat ke āsār bhī ho ga.e

    shab-e-ġham darāz is qadar ho ga.ī

    manānā rulānā bāham rahā

    shab-e-vasl yūñhī sahar ho ga.ī

    nahīñ kyā karoge na ham ko sunāo

    shikāyat adū magar ho ga.ī

    ḳhudā hai jo is but se phir ho milāp

    ġharaz aaj to is qadar ho ga.ī

    kahā bhī to us ne kuchh aisā nahīñ

    zarā baat meñ chashm tar ho ga.ī

    na maanā na maanā usī shoḳh ne

    ki duniyā udhar idhar ho ga.ī

    tumheñ zid na milne hai kis liye

    mirī aah kyā be-asar ho ga.ī

    vo va.ade se kyuuñ phir ga.e kah kuchh

    ye kyā baat ai nāma-bar ho ga.ī

    ye qismat huā vasl bhī gar nasīb

    to ranjish bhī har baat par ho ga.ī

    vo aa.e bhī yaañ us se ai dil husūl

    koī dam ko taskīñ agar ho ga.ī

    tire ġham meñ ye haal to ho gayā

    ḳhushī ab tirī fitnagar ho ga.ī

    ye jhūTī mohabbat se un husūl

    shikāyat adū agar ho ga.ī

    unheñ sulh manzūr hai mujh se kab

    kahūñ kyā huī kyūñki par ho ga.ī

    nizām us ghaḌī kahūñ haal kyā

    jab us ne kahā vo sahar ho ga.ī

    maza kya jo yunhi sahar ho gai

    nahin bhi pahar-do-pahar ho gai

    tere gham mein shab yun basar ho gai

    gharaz rote rote sahar ho gai

    na aaina har waqt dekha karo

    kahoge kisi ki nazar ho gai

    jo bandhi kamar qatl-e-ushshaq par

    kamar to na thi par kamar ho gai

    sabab un ki ranjish ka kahna nahin

    koi puchhe kis baat par ho gai

    labon par Thaharne se ai jaan! husul

    idhar aa gai ya udhar ho gai

    koi baat ulfat ki ab to nahin

    jo kuchh ho gai peshtar ho gai

    tera wada go jhuT hi kyun na ho

    tasalli hamari magar ho gai

    taghaful hai har baat par kis liye

    mere dil ki tujh ko KHabar ho gai

    qayamat ke aasar bhi ho gae

    shab-e-gham daraaz is qadar ho gai

    manana rulana hi baham raha

    shab-e-wasl yunhi sahar ho gai

    nahin kya karoge na hum ko sunao

    shikayat adu ki magar ho gai

    KHuda hai jo is but se phir ho milap

    gharaz aaj to is qadar ho gai

    kaha bhi to us ne kuchh aisa nahin

    zara baat mein chashm tar ho gai

    na mana na mana usi shoKH ne

    ki duniya udhar ki idhar ho gai

    tumhein zid na milne ki hai kis liye

    meri aah kya be-asar ho gai

    wo wade se kyun phir gae kah tu kuchh

    ye kya baat ai nama-bar ho gai

    ye qismat hua wasl bhi gar nasib

    to ranjish bhi har baat par ho gai

    wo aae bhi yan us se ai dil husul

    koi dam ko taskin agar ho gai

    tere gham mein ye haal to ho gaya

    KHushi ab teri fitnagar ho gai

    ye jhuTi mohabbat se un ki husul

    shikayat adu ki agar ho gai

    unhen sulh manzur hai mujh se kab

    kahun kya hui kyunki par ho gai

    nizam us ghaDi ka kahun haal kya

    jab us ne kaha wo sahar ho gai

    Source:

    • Book : kulliyat-e-nizaam (Pg. 343)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY