mazhab-e-ishq mein shajara nahin dekha jata
mazhab-e-ishq mein shajara nahin dekha jata
Hashim Raza Jalalpuri
MORE BYHashim Raza Jalalpuri
maz.hab-e-ishq meñ shajara nahīñ dekhā jaatā
ham parindoñ meñ qabīla nahīñ dekhā jaatā
lashkar-e-ḳhvāb kisī taur utar āñkhoñ meñ
raat bhar niiñd kā rasta nahīñ dekhā jaatā
sūrmā baap ne talvār bhī girvī rakh dī
haath meñ bachchoñ ke kaasa nahīñ dekhā jaatā
tum mire yaar ho kaise maiñ harā duuñ tum ko
mujh se dushman ko bhī paspā nahīñ dekhā jaatā
is zamāne ko faqat maut nazar aatī hai
Dūbne vaale kā jazba nahīñ dekhā jaatā
ai azīzo! mujhe miTTī ke havāle kar do
mujh se ab jism kā malba nahīñ dekhā jaatā
jab se dariyā pe huā pyaas kā qabza 'hāshim'
lab-e-dariyā koī pyāsā nahīñ dekhā jaatā
mazhab-e-ishq mein shajara nahin dekha jata
hum parindon mein qabila nahin dekha jata
lashkar-e-KHwab kisi taur utar aankhon mein
raat bhar nind ka rasta nahin dekha jata
surma bap ne talwar bhi girwi rakh di
hath mein bachchon ke kasa nahin dekha jata
tum mere yar ho kaise main hara dun tum ko
mujh se dushman ko bhi paspa nahin dekha jata
is zamane ko faqat maut nazar aati hai
Dubne wale ka jazba nahin dekha jata
ai azizo! mujhe miTTi ke hawale kar do
mujh se ab jism ka malba nahin dekha jata
jab se dariya pe hua pyas ka qabza 'hashim'
lab-e-dariya koi pyasa nahin dekha jata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
