mazhaka aao uDaen ishq-e-be-buniyaad ka

maz.haka aao uḌā.eñ ishq-e-be-buniyād kā

ik judā madfan banā.eñ tesha-e-farhād kā

vāh-vāh kyā rang badlā gulshan-e-ījād kā

sāya-e-gul par gumāñ hone lagā sayyād kā

bah chalā hai ashk-e-hasrat al-madad ai barq-e-yās

ye bhī ik daana hai mere ḳhirman-e-barbād kā

kis nigāh-e-garm se dekhā hai us ne vaqt qatl

aah ThanDī paḌ ga.ī dam ghuT gayā fariyād kā

ġhuncha ġhuncha ḳhauf se mujh ko nazar aayā qafas

patte patte par huā dhokā kaf-e-saiyād kā

ye samajh liije kisī shā'ir ke dil kā TūTnā

TuuT jaanā hai tilism-e-ālam-e-ījād kā

ho na ehsās-e-asīrī to rihā.ī hai muhāl

aise qaidī naam tak lete nahīñ mī'ād kā

zo'f kī ye himmateñ haiñ nā-tavānī kā ye zor

TukḌe TukḌe kar diyā dāman mirī fariyād kā

us suḳhanvar se mujhe faiz-e-suḳhan hai ai 'hafīz'

nām-e-nāmī hai girāmī jis jahāñ ustād kā

mazhaka aao uDaen ishq-e-be-buniyaad ka

ek juda madfan banaen tesha-e-farhad ka

wah-wah kya rang badla gulshan-e-ijad ka

saya-e-gul par guman hone laga sayyaad ka

bah chala hai ashk-e-hasrat al-madad ai barq-e-yas

ye bhi ek dana hai mere KHirman-e-barbaad ka

kis nigah-e-garm se dekha hai us ne waqt qatl

aah ThanDi paD gai dam ghuT gaya fariyaad ka

ghuncha ghuncha KHauf se mujh ko nazar aaya qafas

patte patte par hua dhoka kaf-e-saiyaad ka

ye samajh lije kisi sha'ir ke dil ka TuTna

TuT jaana hai tilism-e-alam-e-ijad ka

ho na ehsas-e-asiri to rihai hai muhaal

aise qaidi nam tak lete nahin mi'ad ka

zo'f ki ye himmaten hain na-tawani ka ye zor

TukDe TukDe kar diya daman meri fariyaad ka

us suKHanwar se mujhe faiz-e-suKHan hai ai 'hafiz'

nam-e-nami hai girami jis jahan ustad ka