ab ke tajdid-e-wafa ka nahin imkan jaanan

Ahmad Faraz

ab ke tajdid-e-wafa ka nahin imkan jaanan

Ahmad Faraz

MORE BYAhmad Faraz

    ab ke tajdīd-e-vafā nahīñ imkāñ jānāñ

    yaad kyā tujh ko dilā.eñ tirā paimāñ jānāñ

    yūñhī mausam adā dekh ke yaad aayā hai

    kis qadar jald badal jaate haiñ insāñ jānāñ

    zindagī terī atā thī so tire naam hai

    ham ne jaise bhī basar tirā ehsāñ jānāñ

    dil ye kahtā hai ki shāyad hai fasurda bhī

    dil kyā baat kareñ dil to hai nādāñ jānāñ

    avval avval mohabbat ke nashe yaad to kar

    be-piye bhī tirā chehra thā gulistāñ jānāñ

    āḳhir āḳhir to ye aalam hai ki ab hosh nahīñ

    rag-e-mīnā sulag uTThī ki rag-e-jāñ jānāñ

    muddatoñ se yahī aalam na tavaqqo na umiid

    dil pukāre chalā jaatā hai jānāñ jānāñ

    ham bhī kyā saada the ham ne bhī samajh rakkhā thā

    ġham-e-daurāñ se judā hai ġham-e-jānāñ jānāñ

    ab ke kuchh aisī sajī mahfil-e-yārāñ jānāñ

    sar-ba-zānū hai koī sar-ba-garebāñ jānāñ

    har koī apnī āvāz se kaañp uThtā hai

    har koī apne saa.e se hirāsāñ jānāñ

    jis ko dekho vahī zanjīr-ba-pā lagtā hai

    shahr shahr huā dāḳhil-e-zindāñ jānāñ

    ab tirā zikr bhī shāyad ġhazal meñ aa.e

    aur se aur hue dard ke unvāñ jānāñ

    ham ki rūThī huī rut ko bhī manā lete the

    ham ne dekhā na thā mausam-e-hijrāñ jānāñ

    hosh aayā to sabhī ḳhvāb the reza reza

    jaise uḌte hue aurāq-e-pareshāñ jānāñ

    ab ke tajdid-e-wafa ka nahin imkan jaanan

    yaad kya tujh ko dilaen tera paiman jaanan

    yunhi mausam ki ada dekh ke yaad aaya hai

    kis qadar jald badal jate hain insan jaanan

    zindagi teri ata thi so tere nam ki hai

    hum ne jaise bhi basar ki tera ehsan jaanan

    dil ye kahta hai ki shayad hai fasurda tu bhi

    dil ki kya baat karen dil to hai nadan jaanan

    awwal awwal ki mohabbat ke nashe yaad to kar

    be-piye bhi tera chehra tha gulistan jaanan

    aaKHir aaKHir to ye aalam hai ki ab hosh nahin

    rag-e-mina sulag uTThi ki rag-e-jaan jaanan

    muddaton se yahi aalam na tawaqqo na umid

    dil pukare hi chala jata hai jaanan jaanan

    hum bhi kya sada the hum ne bhi samajh rakkha tha

    gham-e-dauran se juda hai gham-e-jaanan jaanan

    ab ke kuchh aisi saji mahfil-e-yaran jaanan

    sar-ba-zanu hai koi sar-ba-gareban jaanan

    har koi apni hi aawaz se kanp uThta hai

    har koi apne hi sae se hirasan jaanan

    jis ko dekho wahi zanjir-ba-pa lagta hai

    shahr ka shahr hua daKHil-e-zindan jaanan

    ab tera zikr bhi shayad hi ghazal mein aae

    aur se aur hue dard ke unwan jaanan

    hum ki ruThi hui rut ko bhi mana lete the

    hum ne dekha hi na tha mausam-e-hijran jaanan

    hosh aaya to sabhi KHwab the reza reza

    jaise uDte hue auraq-e-pareshan jaanan

    Videos
    This video is playing from YouTube

    Videos
    This video is playing from YouTube

    Ahmad Faraz

    Ahmad Faraz

    Ahmad Faraz

    Ahmad Faraz

    Aqib Sabir

    Aqib Sabir

    RECITATIONS

    Nomaan Shauque

    Nomaan Shauque,

    Nomaan Shauque

    ab ke tajdid-e-wafa ka nahin imkan jaanan Nomaan Shauque

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now