mein mahfil-e-hayat mein hairan sa raha

meñ mahfil-e-hayāt meñ hairān sā rahā

har ek kī nigāh meñ anjān sā rahā

kuchh kar sakā na shaam talak rāh-e-shauq meñ

har pal har ek gaam pe be-jān sā rahā

palkeñ uThā ke dekh sakā maiñ na ek baar

merā ḳhirad junūñ kā nigahbān sā rahā

rāh-e-hayāt meñ na milī ek pal ḳhushī

ġham kā ye bojh dosh pe sāmān sā rahā

bū-e-gul-o-saman kī tarah is jahān meñ

'āhan' tamām umr pareshān sā rahā

mein mahfil-e-hayat mein hairan sa raha

har ek ki nigah mein anjaan sa raha

kuchh kar saka na sham talak rah-e-shauq mein

har pal har ek gam pe be-jaan sa raha

palken uTha ke dekh saka main na ek bar

mera KHirad junun ka nigahban sa raha

rah-e-hayat mein na mili ek pal KHushi

gham ka ye bojh dosh pe saman sa raha

bu-e-gul-o-saman ki tarah is jahan mein

'ahan' tamam umr pareshan sa raha