main ratjagon ka safir Thahra tha kitni raaten guzar aaya
main ratjagon ka safir Thahra tha kitni raaten guzar aaya
Shabbir Naqid
MORE BYShabbir Naqid
maiñ ratjagoñ kā safīr Thahrā thā kitnī rāteñ guzār aayā
riyāz thā bā-rusūḳh merā mire suḳhan meñ nikhār laayā
koī bhī hālat nahīñ davāmī koī bhī sūrat nahīñ mudāmī
hayāt apnī hai vo ḳhazāna nahīñ hai jis meñ qarār maayā
na mujh pe lutf-e-sahar huā hai na mujh pe vā koī dar huā hai
na maiñ ne dekhī hai rut suhānī na mujh pe abr-e-bahār chhāyā
jise maiñ samjhā thā yaar apnā jise kahā ġham-gusār apnā
banāyā thā ham-jalīs jis ko sitam usī ne hazār Dhāyā
jo maiñ ne chheḌā hai raag 'nāqid' vo raag be-vaqt kā nahīñ hai
sahar ko chheḌī hai bhairavī to basant rut meñ malār gaayā
main ratjagon ka safir Thahra tha kitni raaten guzar aaya
riyaz tha ba-rusuKH mera mere suKHan mein nikhaar laya
koi bhi haalat nahin dawami koi bhi surat nahin mudami
hayat apni hai wo KHazana nahin hai jis mein qarar maya
na mujh pe lutf-e-sahar hua hai na mujh pe wa koi dar hua hai
na main ne dekhi hai rut suhani na mujh pe abr-e-bahaar chhaya
jise main samjha tha yar apna jise kaha gham-gusar apna
banaya tha ham-jalis jis ko sitam usi ne hazar Dhaya
jo main ne chheDa hai rag 'naqid' wo rag be-waqt ka nahin hai
sahar ko chheDi hai bhairawi to basant rut mein malar gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
