mera dard aur baDha gai mere aql-o-hosh pe chha gai

merā dard aur baḌhā ga.ī mere aql-o-hosh pe chhā ga.ī

mujhe bāvlā sā banā ga.ī tirī shab jab kabhī aa ga.ī

ye jo mere dil ke qarīb hai vo habīb hai ki raqīb hai

ye zamāne bhar se ajiib hai mire zehn meñ jo samā ga.ī

na vo jazb-e-ishq-e-darūñ rahā na vo aql-e-sāz-e-junūñ rahā

na vo be-ḳhudī kā fusūñ rahā ye ḳhudī kī baat jo aa ga.ī

na vo soz hai na gudāz hai na vo naaz hai na niyāz hai

shah-e-ġhaznavī na ayaaz hai ye jahāñ se rasm-e-vafā ga.ī

ye shu.ūr 'najmī' ye fikr-o-fan tirī shā.irī kā ye bāñkpan

ye tasavvurāt kī anjuman na.ī kā.enāt basā ga.ī

mera dard aur baDha gai mere aql-o-hosh pe chha gai

mujhe bawla sa bana gai teri shab jab kabhi aa gai

ye jo mere dil ke qarib hai wo habib hai ki raqib hai

ye zamane bhar se ajib hai mere zehn mein jo sama gai

na wo jazb-e-ishq-e-darun raha na wo aql-e-saz-e-junun raha

na wo be-KHudi ka fusun raha ye KHudi ki baat jo aa gai

na wo soz hai na gudaz hai na wo naz hai na niyaz hai

shah-e-ghaznawi na ayaz hai ye jahan se rasm-e-wafa gai

ye shuur 'najmi' ye fikr-o-fan teri shairi ka ye bankpan

ye tasawwuraat ki anjuman nai kaenat basa gai