mera fan meri ghazal tera ishaara to nahin

Mazhar Imam

mera fan meri ghazal tera ishaara to nahin

Mazhar Imam

MORE BYMazhar Imam

    merā fan merī ġhazal terā ishārā to nahīñ

    husn terā isī parde meñ ḳhud-ārā to nahīñ

    dam-e-zulmat bhī jo āñkhoñ meñ hai tasvīr-e-sahar

    haath kuchh is meñ bhī ai dost tumhārā to nahīñ

    kākul-e-vaqt meñ suljhāv nazar aatā hai

    aap ne zulf-e-pareshāñ ko sañvārā to nahīñ

    mere ehsās vaadī meñ shafaq jhalkī

    mujh ko doshīza-e-fitrat ne pukārā to nahīñ

    dāman-e-husn se kuchh aur sulag uThtī hai

    ishq aañkh meñ shabnam bhī sharārā to nahīñ

    māntā huuñ ki kināre tamannā hai mujhe

    maiñ ne tūfāñ se kiyā phir bhī kinārā to nahīñ

    ḳhūn-e-gulshan hai pas-e-parda-e-ailān-e-bahār

    dekhnā ġhuncha-e-nauras meñ sharārā to nahīñ

    phir na.e sar se par-o-bāl meñ jumbish huī

    nargis-e-shāhid-e-gul ye ishārā to nahīñ

    tham ga.ī saut-e-jaras ruk ga.e rahbar ke qadam

    kisī gum-karda-e-manzil ne pukārā to nahīñ

    maiñ ne maanā tire kūche meñ qadam uTh na sake

    ziist dauḌ meñ lekin kabhī haarā to nahīñ

    mera fan meri ghazal tera ishaara to nahin

    husn tera isi parde mein KHud-ara to nahin

    dam-e-zulmat bhi jo aankhon mein hai taswir-e-sahar

    hath kuchh is mein bhi ai dost tumhaara to nahin

    kakul-e-waqt mein suljhaw nazar aata hai

    aap ne zulf-e-pareshan ko sanwara to nahin

    mere ehsas ki wadi mein shafaq si jhalki

    mujh ko doshiza-e-fitrat ne pukara to nahin

    daman-e-husn se kuchh aur sulag uThti hai

    ishq ki aankh mein shabnam bhi sharara to nahin

    manta hun ki kinare ki tamanna hai mujhe

    main ne tufan se kiya phir bhi kinara to nahin

    KHun-e-gulshan hai pas-e-parda-e-ailan-e-bahaar

    dekhna ghuncha-e-nauras mein sharara to nahin

    phir nae sar se par-o-baal mein jumbish si hui

    nargis-e-shahid-e-gul ka ye ishaara to nahin

    tham gai saut-e-jaras ruk gae rahbar ke qadam

    kisi gum-karda-e-manzil ne pukara to nahin

    main ne mana tere kuche mein qadam uTh na sake

    zist ki dauD mein lekin kabhi haara to nahin

    Source
    • Book : paalkii kahkashaa.n (Pg. 196)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY