mera jazba ki jo KHud-fahm hai KHud-kaam nahin

merā jazba ki jo ḳhud-fahm hai ḳhud-kām nahīñ

puḳhta maġhzān-e-junūñ kī havas-e-ḳhām nahīñ

saaf kahtā huuñ kināya nahīñ ilhām nahīñ

kyā ho ārām se duniyā tujhe ārām nahīñ

thak ga.e kyā mah-o-anjum ke shikārī tere haath

aaj kyuuñ ek sitāra bhī tah-e-dām nahīñ

tīrgī vaqt kī simTī huī ik ḳhaal meñ hai

zehn ik haal meñ hai sub.h nahīñ shaam nahīñ

din javānī kā Dhalā ya.anī huī shaam magar

tum vo sūraj ho ki jis par asar-e-shām nahīñ

kyā kare qais ki hai dhuup hī sahrā kī pasand

sāya-e-gesū-e-lailā meñ bhī ārām nahīñ

'maz.harī' mo.atakif-e-hujra-e-inkār to hai

'maz.harī' be-ḳhabar-e-kulfat-e-ayyām nahīñ

mera jazba ki jo KHud-fahm hai KHud-kaam nahin

puKHta maghzan-e-junun ki hawas-e-KHam nahin

saf kahta hun kinaya nahin ilham nahin

kya ho aaram se duniya tujhe aaram nahin

thak gae kya mah-o-anjum ke shikari tere hath

aaj kyun ek sitara bhi tah-e-dam nahin

tirgi waqt ki simTi hui ek KHal mein hai

zehn ek haal mein hai subh nahin sham nahin

din jawani ka Dhala yani hui sham magar

tum wo suraj ho ki jis par asar-e-sham nahin

kya kare qais ki hai dhup hi sahra ki pasand

saya-e-gesu-e-laila mein bhi aaram nahin

'mazhari' moatakif-e-hujra-e-inkar to hai

'mazhari' be-KHabar-e-kulfat-e-ayyam nahin