mera mazi mere chehre se jhalakta hai zarur

merā maazī mire chehre se jhalaktā hai zarūr

mujh ko hālāt kī garmī kī shikāyat na ġhurūr

maslahat jaan ke kāñToñ kī qabā laa.e the

gul kī rangīn-qabā.ī ko parakhnā thā zarūr

kaun se bhes meñ mil jaa.eñ farishte hamdam

ḳhidmat-e-ins-o-bashar apnā farīza hai huzūr

vaqt ke saath badalne lagā ehsās kā rang

mujh ko is baat kā pahle se na thā koī shu.ūr

bārhā un ko rag-e-jāñ se qarīñ paayā hai

phir jo dekhā to nazar aate haiñ vo aaj bhī duur

aap be-vaj.h 'anīs' aaj pareshān na hoñ

ab kahāñ yaad unheñ vo dil-e-sāda kā qusūr

mera mazi mere chehre se jhalakta hai zarur

mujh ko haalat ki garmi ki shikayat na ghurur

maslahat jaan ke kanTon ki qaba lae the

gul ki rangin-qabai ko parakhna tha zarur

kaun se bhes mein mil jaen farishte hamdam

KHidmat-e-ins-o-bashar apna fariza hai huzur

waqt ke sath badalne laga ehsas ka rang

mujh ko is baat ka pahle se na tha koi shuur

barha un ko rag-e-jaan se qarin paya hai

phir jo dekha to nazar aate hain wo aaj bhi dur

aap be-wajh 'anis' aaj pareshan na hon

ab kahan yaad unhen wo dil-e-sada ka qusur