mere data tere siwa kya ho

mere daatā tire sivā kyā ho

kisī darbār se atā kyā ho

zindagī zindagī jise kahiye

us se baḌh kar koī balā kyā ho

jo kirā.e ke ghar badalte haiñ

un kā ik mustaqil pata kyā ho

maañ jo tere liye uThā.e haath

us se baḌh kar koī duā kyā ho

qatl ġhārat-garī-o-Dāka-zanī

is kā anjām ai ḳhudā kyā ho

maiñ bhī muhtāj vaqt bhī nādār

phir diyā kyā ho aur liyā kyā ho

bazm meñ yuuñ chale to jā.eñge

ye batāo ki mudda.ā kyā ho

jab ibārat hai zindagī is se

dard-e-dil kī koī davā kyā ho

be-ruḳhī vo barat rahe haiñ 'jamāl'

ibtidā ye to intihā kyā ho

mere data tere siwa kya ho

kisi darbar se ata kya ho

zindagi zindagi jise kahiye

us se baDh kar koi bala kya ho

jo kirae ke ghar badalte hain

un ka ek mustaqil pata kya ho

man jo tere liye uThae hath

us se baDh kar koi dua kya ho

qatl ghaarat-gari-o-Daka-zani

is ka anjam ai KHuda kya ho

main bhi muhtaj waqt bhi nadar

phir diya kya ho aur liya kya ho

bazm mein yun chale to jaenge

ye batao ki muddaa kya ho

jab ibarat hai zindagi is se

dard-e-dil ki koi dawa kya ho

be-ruKHi wo barat rahe hain 'jamal'

ibtida ye to intiha kya ho