mere dil kī gahrā.iyoñ meñ utar
jigar-soz tanhā.iyoñ meñ utar
tū apne bayāñ ko muallaq na chhoḌ
falak-dār sachchā.iyoñ meñ utar
mirī nabz-e-iz.hār par rakh ke haath
tū ehsās kī ghāTiyoñ meñ utar
siyah niyyatoñ kā ufaq chhoḌ kar
mahak-dār achchhā.iyoñ meñ utar
koī ruḳh to dhāregā dūlhan kā ruup
har ik ruḳh kī añgḌā.iyoñ meñ utar
'sabā' tū liye hausloñ kī barāt
tajassus kī shahnā.iyoñ meñ utar
mere dil ki gahraiyon mein utar
jigar-soz tanhaiyon mein utar
tu apne bayan ko muallaq na chhoD
falak-dar sachchaiyon mein utar
meri nabz-e-izhaar par rakh ke hath
tu ehsas ki ghaTiyon mein utar
siyah niyyaton ka ufaq chhoD kar
mahak-dar achchhaiyon mein utar
koi ruKH to dhaarega dulhan ka rup
har ek ruKH ki angDaiyon mein utar
'saba' tu liye hauslon ki baraat
tajassus ki shahnaiyon mein utar
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
