mere hisse ki udasi mujhe lauTa dena
mere hisse kī udāsī mujhe lauTā denā
jā rahe ho to mujhe koī to tohfa denā
ek qatra bhī mirī pyaas bujhā saktā hai
maiñ ne kab tum se kahā hai mujhe dariyā denā
mere sahrā mujhe honā hai añdheroñ ke ḳhilāf
jis meñ sūraj bhī chalā aa.e vo ḳhema denā
kaun lā.egā kisī pyaas ke sajde kā javāb
ai ḳhudā dasht na ab karb-o-balā sā denā
ek tinkā na nikālegā bhañvar se mujh ko
maiñ samundar se ye kahtā huuñ safīna denā
mere hisse ki udasi mujhe lauTa dena
ja rahe ho to mujhe koi to tohfa dena
ek qatra bhi meri pyas bujha sakta hai
main ne kab tum se kaha hai mujhe dariya dena
mere sahra mujhe hona hai andheron ke KHilaf
jis mein suraj bhi chala aae wo KHema dena
kaun laega kisi pyas ke sajde ka jawab
ai KHuda dasht na ab karb-o-bala sa dena
ek tinka na nikalega bhanwar se mujh ko
main samundar se ye kahta hun safina dena
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
