mere hisse mein ab bacha kya hai

mere hisse meñ ab bachā kyā hai

ab sunā do ki faisla kyā hai

us kā sāhil bhī Duub jā.egā

us kī sāzish meñ ye chhupā kyā hai

vo jo mil jaa.e us se pūchhūñgā

mere baare meñ sochtā kyā hai

jis se rishta nahīñ hai ab koī

us se milne meñ phir burā kyā hai

sochtā huuñ ki is zamāne se

bach nikalne kā rāsta kyā hai

tū ḳhudāoñ se ghir gayā nāseh

terī bātoñ meñ ab dharā kyā hai

us kā ehsās hai magar 'sarvar'

maiñ nahīñ jāntā ḳhudā kyā hai

mere hisse mein ab bacha kya hai

ab suna do ki faisla kya hai

us ka sahil bhi Dub jaega

us ki sazish mein ye chhupa kya hai

wo jo mil jae us se puchhunga

mere bare mein sochta kya hai

jis se rishta nahin hai ab koi

us se milne mein phir bura kya hai

sochta hun ki is zamane se

bach nikalne ka rasta kya hai

tu KHudaon se ghir gaya naseh

teri baaton mein ab dhara kya hai

us ka ehsas hai magar 'sarwar'

main nahin jaanta KHuda kya hai