mere labon pe aaj qayamat ka waqt hai

mere laboñ pe aaj qayāmat kā vaqt hai

neze pe sar hai aur tilāvat kā vaqt hai

vaj.h-e-shikast-e-jang kī taftīsh phir kabhī

pahle sipāhiyoñ kī ayādat kā vaqt hai

jugnū bhī ghar se nikleñ sitāre bhī aa.eñ saath

miTTī ke ik diye pe musībat kā vaqt hai

sūraj jalā rahā hai gunāhoñ kī dhuup meñ

dariyā batā rahā hai nadāmat kā vaqt hai

hone lagī hai tang mire jism par ye ḳhaak

ya.anī ki ab zamīn se hijrat kā vaqt hai

sabze bhī jal chuke haiñ parinde bhī uḌ ga.e

aisā mire makān pe ġhurbat kā vaqt hai

maiñ jā rahā huuñ apnā suḳhan bechne 'salīm'

yaaro ḳhatā muaaf tijārat kā vaqt hai

mere labon pe aaj qayamat ka waqt hai

neze pe sar hai aur tilawat ka waqt hai

wajh-e-shikast-e-jang ki taftish phir kabhi

pahle sipahiyon ki ayaadat ka waqt hai

jugnu bhi ghar se niklen sitare bhi aaen sath

miTTi ke ek diye pe musibat ka waqt hai

suraj jala raha hai gunahon ki dhup mein

dariya bata raha hai nadamat ka waqt hai

hone lagi hai tang mere jism par ye KHak

yani ki ab zamin se hijrat ka waqt hai

sabze bhi jal chuke hain parinde bhi uD gae

aisa mere makan pe ghurbat ka waqt hai

main ja raha hun apna suKHan bechne 'salim'

yaro KHata muaf tijarat ka waqt hai