mere liye kya shor bhanwar ka kya maujon ki rawani

Mohammad Ahmad Ramz

mere liye kya shor bhanwar ka kya maujon ki rawani

Mohammad Ahmad Ramz

MORE BYMohammad Ahmad Ramz

    mere liye kyā shor bhañvar kyā maujoñ ravānī

    merī pyaas ke sāhil tak hai terā bahtā paanī

    saare imkānāt meñ raushan sirf yahī do pahlū

    ek tirā ā.īna-ḳhāna ik merī hairānī

    aaj huuñ maiñ apne bistar par karvaT karvaT bojhal

    merī niiñd se aa kar uljhī ik be-rañg kahānī

    milnā-jalnā rasm Thahrā phir kyā shikva-shikāyat

    taaza zaḳhm koī de jaao chhoḌo baat purānī

    maiñ huuñ ik dilchasp tamāshā duniyā hai ik melā

    merā chehra ban jaatī hai har sūrat an-jānī

    panchhī ke do paroñ ke nīche simTā saarā samundar

    apne zarf gahrā.ī meñ Duub ga.ī tuġhyānī

    aaj chalo āvāra phireñ ham shahr meñ galiyoñ galiyoñ

    'ramz' ho kuchh tum bhī man-maujī ham bhī haiñ sailānī

    mere liye kya shor bhanwar ka kya maujon ki rawani

    meri pyas ke sahil tak hai tera bahta pani

    sare imkanat mein raushan sirf yahi do pahlu

    ek tera aaina-KHana ek meri hairani

    aaj hun main apne bistar par karwaT karwaT bojhal

    meri nind se aa kar uljhi ek be-rang kahani

    milna-jalna rasm hi Thahra phir kya shikwa-shikayat

    taza zaKHm koi de jao chhoDo baat purani

    main hun ek dilchasp tamasha duniya hai ek mela

    mera chehra ban jati hai har surat an-jaani

    panchhi ke do paron ke niche simTa sara samundar

    apne zarf ki gahrai mein Dub gai tughyani

    aaj chalo aawara phiren hum shahr mein galiyon galiyon

    'ramz' ho kuchh tum bhi man-mauji hum bhi hain sailani

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY