mere nalon mein nihan soz bhi hai saz bhi hai

mere nāloñ meñ nihāñ soz bhī hai saaz bhī hai

merī āvāz meñ shāmil tirī āvāz bhī hai

muzhda ai ka.aba-o-but-ḳhāna mirā husn-e-nazar

but-tarāshī meñ bhī māhir hai ḳhudā-sāz bhī hai

apnī hālat pe mujhe ḳhud hī taras aatā hai

par-shikasta huuñ magar ḳhvāhish-e-parvāz bhī hai

merī qismat hī nahīñ merī tabāhī kā sabab

is meñ us shoḳh kī shāmil nigah-e-nāz bhī hai

ishq meñ maut se miltī hai hayāt-e-abadī

ishq kī maut to anjām bhī āġhāz bhī hai

sa.ī-e-iḳhfā-e-mohabbat to bajā hai lekin

sa.ī-e-iḳhfā hī mohabbat kī to ġhammāz bhī hai

mere nalon mein nihan soz bhi hai saz bhi hai

meri aawaz mein shamil teri aawaz bhi hai

muzhda ai kaba-o-but-KHana mera husn-e-nazar

but-tarashi mein bhi mahir hai KHuda-saz bhi hai

apni haalat pe mujhe KHud hi taras aata hai

par-shikasta hun magar KHwahish-e-parwaz bhi hai

meri qismat hi nahin meri tabahi ka sabab

is mein us shoKH ki shamil nigah-e-naz bhi hai

ishq mein maut se milti hai hayat-e-abadi

ishq ki maut to anjam bhi aaghaz bhi hai

sai-e-iKHfa-e-mohabbat to baja hai lekin

sai-e-iKHfa hi mohabbat ki to ghammaz bhi hai